युनिकोड
मिति
रूपान्तरण 
खोज पत्रकारिता
खोज पत्रकारिता
सम्बादाता
जनकपुरधाम,माघ ५-काठमाडौंका मेयरबाट राजीनामा दिएकै दिन रास्वपा वरिष्ठ नेता बनेका बालेन्द्र शाह मधेश प्रदेशको राजधानी जनकपुर पुगे। आज जनकपुरमा रास्वपाको चुनावी प्रचार अभियानको थालनी हुँदैछ, जहाँ बालेन पार्टी सभापति रवि लामिछानेसँगै धोती–कुर्ता सहित मधेशी पहिचान झल्काउने पोशाकमा देखिने छन्।
संघीयताविरोधी भनेर यसअघि चर्चा गरिएका बालेन मधेशकै आठ मध्ये एक जिल्ला अर्थात् महोत्तरीको एकडारा गाउँको पृष्ठभूमि भएका नागरिक हुन्। यसै वर्ष बालेनका पिता रामनारायणले आफ्नो परिवारलाई महोत्तरीबाट काठमाडौं लगेका हुन्। बालेनको हुर्काइबढाइ काठमाडौंमै भयो र यही पृष्ठभूमि उनलाई राजनीतिक रुपमा एक फरक पहिचान दिन्छ।
जनकपुरमा सुरु भएको प्रचार अभियानमा बालेन र रवि लामिछानेले मधेशी पहिचानलाई मुख्य एंगल बनाएर जनता माझ पुग्ने योजना बनाएका छन्। धोती–कुर्ता जस्ता स्थानीय पहिचान झल्काउने पोशाकमा बालेनलाई देखिनुले जनकपुरका स्थानीय मतदातामा आकर्षण बढाउने आशा गरिएको छ।
राजनीतिक विश्लेषकहरूको अनुसार, काठमाडौंबाट मधेशको मञ्चमा आएको बालेनको यो कदम संघीयताविरोधी आरोपको जवाफ स्वरूप पनि हेरिएको छ। बालेनले आफ्नो नयाँ राजनीतिक यात्रामा मधेशी समुदायसँग प्रत्यक्ष संवाद गरी समर्थन जुटाउने रणनीति अघि सारेका छन्।
अब आगामी निर्वाचनमा जनकपुर र आसपासका क्षेत्रमा बालेनको उपस्थितिले राजनीतिक गर्मी थप्ने छ र रास्वपाले मधेशी मतदाता बीच आफ्नो पकड मजबुत पार्ने सम्भावना देखिन्छ।
सम्बादाता
काठमाडौँ, फागुन १४ -आगामी फागुन २१ गते हुने प्रतिनिधिसभा सदस्य निर्वाचनका लागि बुधबार निर्वाचन आयोगम ...
प्रतिक्रिया